Malgrà tut ils meds auxiliars moderns: l’art da setgentar charn sa basa anc adina sin lavur a maun.

Dapli davart la producziun da las spezialitads Natura

Spezialitads dovran temp

Tgi che vul giudiment cun istorgia dovra temp: Il process da setgentar da nossas spezialitads Natura dura fin a tschintg mais. Durant quest temp na survegnan ils products betg sulettamain lur gust intensiv, ma er lur furma enconuschenta. 

Spezialitads dovran temp

Spezialitads da charn setgentada da la Natura Setgentaria da charn grischuna èn products crivs en salamuira setgentads a l’aria, producids da charn-bov e charn-portg d’auta qualitad. Cuntrari ad auters products da charn setgentada na vegnan las spezialitads grischunas betg fimentadas, mabain setgentadas a l’aria da muntogna grischuna. Avant il process da setgentar da plirs mais vegn il material da basa sfruschà en cun ina maschaida da spezarias e d’ervas tradiziunala. Tut tenor la spezialitad dura il process da madiraziun tranter dus e tschintg mais. Durant quest process perda il material da basa fin la mesadad da ses pais oriund e sto adina puspè vegnir cumprimì. Ils products da Natura vegnan en media pressads en furma trais giadas durant lur madiraziun. Questa cumpressiun è per ina giada il motiv per la furma tipica rectangulara da nossas spezialitads grischunas. Surtut procura la cumpressiun però per ina distribuziun regulara da l’umiditad en la charn ed impedescha tras quai la furmaziun d’in ur setg.