Sco da lez temp dovra la producziun da charn setgentada er oz temp, paus ed ils mauns scolads dals collavuraturs.

Dapli davart la producziun da las spezialitads Natura

Setgentar en il Grischun

Pli baud ina necessitad per surviver, oz ina spezialitad cun tradiziun: las spezialitads da charn setgentada en il chantun Grischun. Causa l’indicaziun geografica protegida dastgan las spezialitads da pulpa anc adina vegnir producidas sulettamain en il chantun Grischun.

Sper il chaschiel cun rusnas e la tschigulatta dultschamara è nossa pulpa renumada il success d’export il pli enconuschent da la Svizra. Las spezialitads da charn setgentada dal Grischun han d’engraziar lur buna reputaziun betg sulettamain a las metodas d’elavuraziun tradiziunalas, mabain surtut er a las relaziuns climaticas en las muntognas grischunas.

La pulpa vegn documentada per l’emprima giada durant il 18. tschientaner. En in rapport da viadi accentuescha il scriptur Johann Gottfried Ebel las particularitads climaticas: «Die Luft ist so trocken, dass von Sils bis St. Moritz hinab vom Monat October bis Merz alles Fleisch nicht im Rauch, sondern an der Luft gedörrt wird.» (Ebel, 1793: Anleitung auf die nützlichste und genussvollste Art in der Schweitz zu reisen). Er oz vegnan nossas spezialitads grischunas sulettamain setgentadas e betg fimentadas.

Anc oz, passa 200 onns pli tard, na vegnan las spezialitads da charn setgentada dal Grischun betg fimentadas, mabain sulettamain setgentadas a l’aria da muntogna grischuna. Perquai che quai è sulettamain pussaivel en tschertas regiuns, è per exempel nossa pulpa Natura protegida cun il certificat IGP. Il label IGP garantescha che la producziun da las spezialitads da la Natura Setgentaria da charn grischuna succeda exclusivamain en il chantun Grischun sin in’autezza tranter 800 fin 1800 meters.