Dapi tschientiners han ils Grischuns setgentà charn a l’aria. Ord la necessitad è resultà ina delicatessa.

Dapli davart l’istorgia da la madiraziun e setgentada

Lavur a maun e tradiziun

Ultra da las cundiziuns climaticas singularas en il chantun Grischun èsi surtut l’experienza da noss collavuraturs che distingua las spezialitads da la Natura. Anc oz è la producziun da charn setgentada lavur a maun.

L’entir process da madiraziun da nossas spezialitads da Natura è lung e dovra blera pazienza. Anc pli impurtanta è però l’attenziun dals collavuraturs cun tut lur senns. Malgrà tut ils meds auxiliars moderns che sustegnan oz la producziun da charn en blers secturs, è la producziun da spezialitads tradiziunalas en la Natura Setgentaria da charn grischuna anc adina lavur a maun d’auta qualitad: In toc charn en sia fasa d’elavuraziun vegn prendì en il maun fin a 70 giadas, mess en furma, controllà e puspè pendì si.

En il decurs da questa fasa da setgentar sa furma tar la pulpa renumada ina miffa nobla alva sin la surfatscha che gioga ina rolla impurtanta en il process da madiraziun. Evitond l’oxidaziun en la charn vegn definida la concepziun dal gust caracteristic da la pulpa grischuna. Oz vegn la miffa nobla sin il product final bleras giadas barschunada davent, era sch’ella po vegnir mangiada senz’auter. Per numerus amaturs da spezialitads tradiziunalas fa ella dentant part da questas.