Il contact cun ils clients è anc oz en il center: La Butia Natura a Tinizong porscha invista e barat.

Dapli davart nossa purschida

Ina famiglia plain iniziativa

Dapi in mez tschientaner stat la marca Natura per la producziun regiunala da spezialitads da charn grischunas tenor recepts tradiziunals e cun blera lavur a maun e pazienza. Tut quai ha cumenzà cun ils fragliuns Peduzzi.

L’istorgia da nossa Natura Setgentaria da charn grischuna cumenza avant 80 onns. Il 1. da mars 1938 suttascrivan in tschert Ezio Peduzzi e sia sora Pierina in contract da fittanza per ina mazlaria en in vitget puril cun il num Savognin. Durant ils scumbigls da la guerra en l’Europa e lunsch davent da tut il turissem mettan els qua tras il crap da fundament per ina interpresa cun tradiziun da famiglia. Oz, stgars 100 onns pli tard, èn questas spezialitads renumadas fin lunsch sur ils cunfins da la Svizra ora.

La natira dirigia il process da madiraziun da la charn per ils umans, sche quests procuran per las cundiziuns optimalas. Igl è questa natira che furma anc uss, in mez tschientaner suenter la fundaziun da l’interpresa, la basa da las spezialitads da la Natura Setgentaria da charn grischuna. Anc adina na datti ni aditivs ni fim en nossas spezialitads grischunas.
Pietro Peduzzi, fundatur Natura Setgentaria da charn grischuna

Quai che ha cumenzà sco acziun ristgada da quests dus fragliuns giuvens è daventà ina interpresa da famiglia plain success. Il setgentar charn a l’aria, da lez temp ina necessitad per prolungar la conservabladad dals products e per nutrir las famiglias durant ils dirs mais da guerra, è daventà cun ils onns ina tradiziun ch’è vegnida perfecziunada durant pliras generaziuns.

Pietro, il figl dad Ezio Peduzzi, ha cuntinuà questa tradiziun da mazler ed ha fundà il 1970 la Natura Setgentaria da charn grischuna a Tinizong. Già da lez temp è Pietro Peduzzi sa focussà sin las cundiziuns climaticas singularas dal chantun Grischun.