Scuvri las spezialitads renumadas da Natura en la butia da fabrica al lieu da producziun Tinizong.

Entrar en contact

Faschai ina visita a nus

En la Butia Natura, averta l’onn 2009 a Tinizong, porscha l’interpresa da tradiziun in sortiment elegì da las spezialitads da charn renumadas dal Grischun e dat in’idea da la producziun tradiziunala da charn setgentada da Natura. 

Spezialitads da Natura èn products da tradiziun. Perquai èsi impurtant ch’ellas sajan enragischadas al lieu. Dapi stgars diesch onns han clientas e clients la pussaivladad da cumprar las spezialitads da la Natura Setgentaria da charn grischuna directamain al lieu da producziun a Tinizong. Plinavant pon ils visitadurs sa far in’idea dal mastergn, da la tradiziun e da las enconuschientschas professiunalas – il fundament, senza il qual la producziun da questas spezialitads renumadas na fiss betg pussaivla.

Sper ils products da Natura chattan clientas e clients en la Butia Natura a Tinizong er autras spezialitads grischunas d’emprima qualitad. Sco ils products da Natura vegnan er ellas producidas a maun d’interpresas pitschnas en la regiun tenor recepts tradiziunals. In regalin gustus èn las aissas da regal ed ils chanasters da regal cun spezialitads da charn elegidas, directamain or da la Natura Setgentaria da charn grischuna, che vegnan sin giavisch er arranschadas individualmain.

Lieu

Natura Setgentaria da charn grischuna
Veia Cantunala 78
7453 Tinizong

+41 (0)58 575 00 80

Uras d’avertura

Glindesdi fin venderdi
09.00 – 12.00 h
13.30 – 17.00 h

Sonda
09.00 – 13.00 h
Durant ils mais matg e november resta la Butia Natura serrada la sonda.

Dumengia
Serrà

Cundiziuns da pajar: Vus pudais pajar Vossas cumpras en contant u cun carta da debit (EC direct e Postcard). Tut ils pretschs incl. IPV.